மீண்டும் மாகாண சபைக்கு சுபையிரை அனுப்புவோம் - ஹிஸ்புல்லா தெரிவிப்பு.

எம் .ஜே.எம். சஜீத்

கிழக்கு மாகாண சபையில் மீண்டும் மாகாண சபை உறுப்பினராக சுபையிரை அமர்த்துவோம் என மீள் குடியேற்ற புனர்வாழ்வு இராஜாங்க அமைச்சர் எம்.எல்.ஏ.எம் ஹிஸ்புல்லா தெரிவித்தார்.

கிழக்கு மாகாண சபை உறுப்பினர் எம்.எஸ். சுபையிரின் பன்முகப்படுத்தப்பட்ட நிதி ஒதுக்கீட்டின் ஊடாக கொள்வனவு செய்யப்பட்ட பொருட்களை ஏறாவூர் பிரதேச பொது அமைப்புகளுக்கு கையளிக்கும் நிகழ்வு நேற்று (26) ஏறாவூர் நகர் பிரதேச செயலகத்தில் இடம்பெற்றது.

இந்நிகழ்வில் பிரதம அதிதியாகக் கலந்துகொண்டு உரையாற்றிய போதே அவர் மேற்கண்டவாறு தெரிவித்தார்.

அவர் தொடர்ந்தும் தெரிவிக்கையில் கிழக்கு மாகாண சபை உறுப்பினர் சுபையிர் அவர்கள் சுமார் 20 இலட்சம் ரூபா நிதிகளை இப்பிரதேச பொது அமைப்புக்களுக்காக ஒதுக்கீடு செய்துள்ளார். பொது அமைப்புக்களுக்கு இந்த நிதிகளைக் கொண்டு நாங்கள் பொருட்களை வழங்குவதன் நோக்கம் அந்த அமைப்பு சிறப்பாக இயங்க வேண்டும் என்பதே ஆகும். விசேடமாக இச்சந்தர்ப்பத்திலே மாகாண சபை உறுப்பினர் சுபையிரை பாராட்டுகின்றேன்.

கிழக்கு மாகாண சபை உறுப்பினர் சுபையிர் இப்பிரதேச அபிவிருத்தியிலே அவர் மேற்கொண்டு வரும் நடவடிக்கைகள் மற்றும் முயற்ச்சிகளை நாம் பாராட்டியே ஆகவேண்டும். அவர் தொடர்ந்தும் அரசியலிலே இருந்து இப்பிரதேசத்தில் மேலும் பல பணிகளைச் செய்ய வேண்டும். அவருக்கு சகலரும் ஒத்துழைப்புக்களை வழங்க வேண்டும்.

மிக விரைவில் மாகாண சபை தேர்தல் நடைபெறவுள்ளது. குறிப்பாக கிழக்கு மாகாண சபை தேர்தலை நடாத்துவதற்கு இப்போது அரசாங்கம் நடவடிக்கைகளை மேற்கொண்டு வருகிறது. அந்த தேர்தலிலும் மாகாண சபை உறுப்பினர் சுபையிரை வெற்றிபெறச் செய்து கிழக்கு மாகாண சபையில் அமர்த்துவோம்.

இன்று முஸ்லிம் சமூகம் தேசிய ரீதியாகவும், சர்வதேச ரீதியாகவும் பல்வேறு பிரச்சினைகளை எதிர்கொண்டு வருகிறது. குறிப்பாக எமது நாட்டிலே முஸ்லிம் சமூகம் எதிர்நோக்கிவருகின்ற பிரச்சினைகளுக்கு தீர்வுகானப்பட வேணடுமென எதிர்பார்க்கின்றோம். அவ்வாறான பிரச்சினைகளுக்கு தீர்வு கானப்பட வேண்டுமானால் நாம் அரசியல் வேறுபாடுகளை மறந்து ஒற்றுமையாக செயற்பட வேண்டும் எனவும் அவர் மேலும் தெரிவித்தார்.
Share on Google Plus
முக்கிய குறிப்பு: மக்கள் நண்பன் இணையதளத்திற்கு பல்வேறு ஊடகவியலாளர்களால், வாசகர்களால் மற்றும் அரசில்வாதிகளின் ஊடக இணைப்பாளர்களால் செய்திகள் மற்றும் தகவல்கள் அனுப்பி வைக்கப்படுகின்றன இவ்வாறு அனுப்பி வைக்கப்படும் செய்திகளுக்கு மற்றும் தகவல்களுக்கு மக்கள் நண்பன் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். செய்திகளை அனுப்பி வைப்போர் நாகரீகமற்ற மற்றும் பிறர் மனதை புண்படுத்தகூடிய கருத்துகளை / செய்திகளை தவிர்க்கும்படி கேட்டுக்கொள்கிறோம். கடுமையான கருத்துக்கள் மற்றும் பிழையான செய்திகள் குறித்து எங்கள் கவனத்திற்கு கொண்டு வந்தால் அவற்றை பாரபட்சமின்றி நீக்க நடவடிக்கை எடுக்கப்படும். இவ்வாறான செய்திகள் தொடர்பாக எங்களுக்கு தெரியப்படுத்த info@makkalnanbannews.com என்ற மின்னஞ்சலை தொடர்பு கொள்ளலாம்.

0 comments:

Post a Comment