கிழக்கு மாகாணத்தில் சாரதி நியமனம்,; முதலமைச்சர் பதிலளிக்க வேண்டும்.

(எம்.ஜே.எம்.சஜீத்)

கிழக்கு மாகாண முதலமைச்சரின் பதிலை எதிர்பார்த்து எதிர்வரும் 21ஆம் திகதி செவ்வாய்க் கிழமை நடைபெறவுள்ள கிழக்கு மாகாண சபை அமர்வின் போது கிழக்கு மாகாண எதிர்க்கட்சித் தலைவர் எம்.எஸ் உதுமாலெப்பை சில கேள்விகளை முன்வைக்கவுள்ளார்.

கிழக்கு மாகாண சபையினால் சாரதி பதவிகளுக்காக கடந்த 2016ஆம் ஆண்டு மார்ச் மாதம் விண்ணப்பங்கள் கோரப்பட்டு 2016ஆம் ஆண்டு ஜுலை மாதம் பரீட்சை நடாத்தப்பட்டு  2016ஆம் ஆண்டு ஓக்டோபர் மாதம் வாகன ஓட்டப் பயிற்சியும் நடாத்தப்பட்டு நேர்முகப் பரீட்சையும் நடாத்தப்பட்டது இதுதொடர்பில் கிழக்கு மாகாண முதலமைச்சர் அறிவாரா?

கிழக்கு மாகாண சபையினால் சாரதி நியமனங்கள் வழங்குவதற்காக தெரிவு செய்யப்பட்டவர்கள் எந்த அடிப்படையில் தெரிவு செய்யப்பட்டுள்ளனர் என்பதனையும்,  சாரதி நியமனம் வழங்குவதற்காக தெரிவு செய்யப்பட்டவர்களின் பெயர் விபரங்களையும், மாவட்ட ரீதியில் கிழக்கு மாகாண முதலமைச்சர் கிழக்கு மாகாண சபைக்கு தெரிவிப்பாரா?

கிழக்கு மாகாண சபையின் கீழ் நிருவகிக்கப்படும் திணைக்களங்களில் தற்போது சாரதி வெற்றிடங்கள் எத்தனை உள்ளன என்பதனை கிழக்கு மாகாண முதலமைச்சர் கிழக்கு மாகாண சபையில் தெரிவிக்க வேண்டும்? என முதலமைச்சரின் பதிலை எதிர்பார்த்தே எதிர்க்கட்சி தலைவர் உதுமாலெப்பை மேற்குறித்த கேள்விகளை கிழக்கு மாகாண சபை அமர்வின் போது கேட்கவுள்ளமை குறிப்பிடத்தக்கது. 
Share on Google Plus
முக்கிய குறிப்பு: மக்கள் நண்பன் இணையதளத்திற்கு பல்வேறு ஊடகவியலாளர்களால், வாசகர்களால் மற்றும் அரசில்வாதிகளின் ஊடக இணைப்பாளர்களால் செய்திகள் மற்றும் தகவல்கள் அனுப்பி வைக்கப்படுகின்றன இவ்வாறு அனுப்பி வைக்கப்படும் செய்திகளுக்கு மற்றும் தகவல்களுக்கு மக்கள் நண்பன் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். செய்திகளை அனுப்பி வைப்போர் நாகரீகமற்ற மற்றும் பிறர் மனதை புண்படுத்தகூடிய கருத்துகளை / செய்திகளை தவிர்க்கும்படி கேட்டுக்கொள்கிறோம். கடுமையான கருத்துக்கள் மற்றும் பிழையான செய்திகள் குறித்து எங்கள் கவனத்திற்கு கொண்டு வந்தால் அவற்றை பாரபட்சமின்றி நீக்க நடவடிக்கை எடுக்கப்படும். இவ்வாறான செய்திகள் தொடர்பாக எங்களுக்கு தெரியப்படுத்த info@makkalnanbannews.com என்ற மின்னஞ்சலை தொடர்பு கொள்ளலாம்.

0 comments:

Post a Comment