கவிஞர் ஏ.இக்பாலின் மறைவுக்கு அமைச்சர் ரவூப் ஹக்கீம் அனுதாபம்.

கல்வியியலாளரும் கவிஞருமான ஏ. இக்பால் தமிழ்கூறும் நல்லுலகுக்கு பல்வேறு வகையான பங்களிப்புகளை ஆற்றியுள்ளார். அன்னாரின் மறைவு, தமிழ் இலக்கியத் துறையில் வெற்‌றிடத்தை ஏற்படுத்திவிட்டுச் சென்றுள்ளதாக ஸ்ரீலங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் தெரிவித்தார்.

அக்கரைப்பற்றை பிறப்பிடமாகவும், தர்காநகரை வசிப்பிடமாகவும் கொண்ட கல்வியியலாளரும் கவிஞருமான ஏ. இக்பாலின் மறைவு குறித்து, அமைச்சர் ரவூப் ஹக்கீம் விடுத்துள்ள அனுதாபச் செய்தியிலேயே இவ்வாறு குறிப்பிட்டுள்ளார்.

அந்த அனுதாபச் செய்தியில் மேலும் கூறப்பட்டுள்ளதாவது;

ஸ்ரீலங்கா முஸ்லிம் காங்கிரஸ் ஸ்தாபகத் தலைவர் மர்ஹூம் எம்.எச்.எம். அஷ்ரஃப் உயிரோடு இருந்த காலத்தில், அவரின் வாழ்க்கை வரலாற்றின் ஒரு பகுதியை எழுதிய ஏ.இக்பால் அதை அவரிடம் வாசித்தும் காட்டியிருந்தார். அதுபோல முன்னாள் சபாநாயகர் பாக்கீர் மாக்காருக்கும் இவர் புத்தகம் ஒன்றை வெளியிட்டிருந்தார்.

ஆசிரியராகவும், ஆசிரிய கலாசாலை விரிவுரையாளராகவும் ஏ.இக்பால் கல்விப்பணி புரிந்திருந்தார். அதுபோல கவிதை, சிறுகதை, ஆய்வு என பல்துறையிலும் தன்னை அர்ப்பணித்து செயற்பட்டார். கலாபூஷணம், சாஹித்திய மண்டல விருது என பல்வேறு விருதுகளை இவர் சொந்தமாக்கிக்கொண்டார்.

ஏ.இக்பாலின் மறைவினால் துயருறும் குடும்பத்தினருக்கு கட்சி சார்பாகவும், எனது சார்பாகவும் ஆறுதல் கூறுவதோடு, அன்‌னாருக்கு மறுமையில் ஜன்னத்துல் பிர்தெளஸ் எனும் சுவர்க்கம் கிடைக்க பிரார்த்திப்போமாக.
Share on Google Plus
முக்கிய குறிப்பு: மக்கள் நண்பன் இணையதளத்திற்கு பல்வேறு ஊடகவியலாளர்களால், வாசகர்களால் மற்றும் அரசில்வாதிகளின் ஊடக இணைப்பாளர்களால் செய்திகள் மற்றும் தகவல்கள் அனுப்பி வைக்கப்படுகின்றன இவ்வாறு அனுப்பி வைக்கப்படும் செய்திகளுக்கு மற்றும் தகவல்களுக்கு மக்கள் நண்பன் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். செய்திகளை அனுப்பி வைப்போர் நாகரீகமற்ற மற்றும் பிறர் மனதை புண்படுத்தகூடிய கருத்துகளை / செய்திகளை தவிர்க்கும்படி கேட்டுக்கொள்கிறோம். கடுமையான கருத்துக்கள் மற்றும் பிழையான செய்திகள் குறித்து எங்கள் கவனத்திற்கு கொண்டு வந்தால் அவற்றை பாரபட்சமின்றி நீக்க நடவடிக்கை எடுக்கப்படும். இவ்வாறான செய்திகள் தொடர்பாக எங்களுக்கு தெரியப்படுத்த info@makkalnanbannews.com என்ற மின்னஞ்சலை தொடர்பு கொள்ளலாம்.

0 comments:

Post a Comment